THE BARNYARDS O'DELGATY
As I gang doon by Turra Market, Turra Market for t'fee
I fell in wi' a farmer chiel, by th' Barnyards O'Delgaty
Chorus: Luntin addie, turin addie, luntin addie turin-ee
Luntin lowrin' lowrin' lowrin', the barnyards o'Delgaty!
He promised me the aye best horse that iver I set my een upon
But when I gat t'his barnyard, there's naethin' there but skin and bone
The auld black horse sat on her rump, th' auld grey mare sat on her wime
And fer all I'd whup an' crack, they wouldna rise at yokin' time
When I gang doon tae Kirk on Sunday, many's th' bonny lass I see
Sittin' by her father's side, winkin' o'er th' pews at me!
Oh I can drink and no be drunk, and I can fecht an' no be slaun,
And I can lie wi' another man's lass and still be welcome tae my own!
Noo me cannle is brunt oot, me snotter's fairly on the wane,
Fare-ye-weel ye Barnyards: Ye'll niver catch me here again!
