*
THE BANKS OF SICILY
-Hamish Henderson (c) copyright by author
(Tune: "Farewell to the Creeks")
The pipie is dozie, the pipie is fey
He wullnae come round for his vino the day
The sky o'er Messina is unco and grey
An' a' the bricht chalmers are eerie
CHORUS: Then fare-ye-weel ye banks of Sicily
Fare-ye-weel ye valley and shaw
There's nae Jock will mourn the kyles of ye
Puir bliddy swaddies are wearie
Then fare-ye-weel ye banks of Sicily
Fare-ye-weel ye valley and shaw
There's nae name can smoor the wiles of ye
Puir bliddy swaddies are wearie!
The drummie is polished, the drummie is braw
He cannae be seen for his webbin' ava
He's beezed himsel' up for a photy and a'
Tae leave wi' his Lola, his dearie!
CHORUS: Then fare-ye-weel ye dives of Sicily
Fare-ye-weel ye shielin' and ha'
We'll all mind shebeens and bothies
Where Jock made a date wi' his dearie
Then fare-ye-weel ye dives of Sicily
Fare-ye-weel ye shielin' and ha'
We'll all mind shebeens and bothies
Whaur kind signorinas were cheerie
Then tune the pipes and drub the tenor drum
Leave your kit this side of the wa'
Then tune the pipes and drub the tenor drum
A' the bricht chalmers are eerie!
*
