CAM YE O'ER FRAE FRANCE?
(circa 1715/1745)
Cam ye o'er frae France? Cam y'doon by Lunnon?
Saw ye Geordie Whelps and his bonny woman?
Were ye at the place, ca'd the Kittle Hoosie
Saw ye Geordie's Grace ridin' on a Goosie?
Geordie he's a man, there's little doubt about it
He's done all he can; wha' can do without it?
Down there cam a blad, linkin' like my lordie;
He wad drive a trade at the loom of Geordie.....
Though the claith were bad, blithely may we niffer
Gin we git a wab, it makes little differ.
We hae tint our plaid, bonnet, belt and swordie,
Ha's and mailin's braid: but we hae a Geordie!
Jocky's gone tae France, and Montgomery's lady;
There they'll learn tae dance: Madam are ye ready?
They'll be back belyve, belted, brisk and lordly;
Brawly may they thrive tae dance a jig w'Geordie....
Hey for Sandy Don! Hey for Cockalorum!
Hey for Bobbing John, and his Highland quorum!
Mony a sword and lance swings at Highland hurdie
How they'll skip and dance ower the bum of Geordie....!
*
